حلويات العيد - حلى منزلي -الجزء الثاني

[center]الشابوره اللذيذه

المقادير

3 كاس طحين اسمر
3 بيض
2 بياض البيض
1 ونص كاس سكر اسمر
1 كاس زيت دوار الشمس
ثلاث ارباع كاس حليب سائل خالي الدسم
2 م شاي بيكن باودر
1 م شاي هيل ناعم
1 م شاي يانسون ناعم (حبة حلوه)
نص م شاي زعفران

الطريقه :



تخلط المقادير الجافه مع بعض ثم تضاف عليها باقي المقادير وتخلط جيدا بالخلاط

نضع الخليط في قالب مدهونه وندخله الفرن على درجة 160 لمدة نص ساعه او حتى ينضج


نطلع الصينيه ونخليها تبرد تماما




نقطع الكيكه بهذا الشكل




ونصفها بصينيه الفرن بهذا الشكل وندخله الفرن ونحمرها من جميع الجهات




راح يطلع بهذا اللون الاشقر ونقلبه حتى يتحمر من الجانبين ... ونخليه بالسله حتى يبرد تماما ... وراح يكون مقرمش الشكل








السمسميه



كاس سكر مع 4 ملاعق ماء... نحطهم على النار لما يقلب لونهم للاشقر الخفيف

احط عليه ثلاث ارباع الكاس سمسم.. واقلب فيه لمدة دقيقه بسسسسس ..
فرشه على صينيه مقلوبه ومدهونه بالزيت ... واسطحه بشكل متساوي ... هالطريقه اعمليها بسرعه قبل لا يجمد السكر ... وبعدها خليييه يبرد على راحته


من طرف السكين حطيها تحت السمسميه وفكيها عن الصينيه بشويش...كسرييييييها لقطع متوسطه وقدميييييييها



الشكلمه


ثلث علبة حليب نستله الكبير

1 ونص كاس جوز الهند

رشة فانيليا

وبس


الطريقه :

نخلط المقادير مع بعض .. حتى تتشكل عجينه قابله للتشكيل .. وناخذ بالملعقه قطع متوسطه الحجم

ونصفها بالصينيه المدهونه .... وندخلها فرن هادي 150 درجه لما تتحمر من تحت نطفي عليها ونفتح من فوق لما تتحمر اشوي ... وماتاخذ ربع ساعه

نطلعها من الفرن ونخليها تبرد وتقدم .... راح تكون مقرمشه من بره وطريه من الداخل


وان شاء الله تعجبكم ... جربوها تراها لذيذه جدااااااااااااااا





السابليه او بسكوت المربى




المقادير :

2 وربع كاس طحين

رشة ملح

1 ك سكر بودر ... او ثلاث ارباع

2 بيض

1 ونص باكيت زبده (113 غ )

م ص بيكن باودر

م ص فانيلا

المربى

مربى فراوله او مشمش .. توضع في وعاء عميق وتخفق بالشوكه مع القليل جدا من الماء





الطريقه :

0- نولع الفرن على درجه 180 -185

1- ننخل الطحين والباكن باودر ونتركه على جنب

2- نخفق البيض والفانيلا بالشوكه ونتركها على جنب

3- نخفق الزبده الطريه مع السكر حتى يصبح مثل الكريمه

4- نضيف البيضه ونخفق ثم نضيف باقي البيض ونخفق حتى يفتح لون الخليط

5- نضيف الطحين على دفعات حتى يختلط جيدا وتصبح عندنا عجينه قابله للتشكيل

6- نتركها بالثلاجه ربع ساعه







8- نكور العجينه على صينيه مدهونه بالقليل من الزبده

9- ثم بطرف ملعقة الخشب نعمل حفره على كل كوره ونحشيها المربى

10 ندخلها الفرن لمدة 10 دقايق ... ونخرجها ونتركها تبرد ... ثم ترش بالسكر البودر

11- وتقدم بالعافيه








كيكة البسكوت بالسميد


المقادير :

1 كاس سميد
1كاس زيت
نص كاس سكر
4 بيضات
1 ملعقه كبيره بيكن باودر
1 علبة نستله
1 كيس شعيريه باكستانيه
1 بسكوت شاي 200 غ


الطريقه :

اول شي نكسر البسكوت قطع صغييييييييييره ونخليه على جنب

نخلط البيض والسكر والزيت بالخلاط ... وبعدها نضيف السميد والبيكن باودر لما يتجانس الخليط مع بعض

نضيفه على البسكووووووووت وراح يطلع معاي خليط ثقيل اشوي

افرشه في صينية فرن مدهونه ... واحط عليه الشعريه المفتته واغطيه فيها زين يعني كثري منها ... وضغطي عليها اشوي على الخليط

ودخليها الفرن على درجة 160 لمدة ربع ساعه ( او حتى تنضج ) ... وبعدها افتحي الفرن من فوق حتى تتحمر الشعريه

طلعيها من الفرن واسقيها على طول حليب نستله


وخليها لما تتشرب الحليب كله


قطعيها مربعات


ووزعيها بصحون التقديم

وتراها لذيذه جدااااااااااااااا

وكل ما ابردت تصير احلىىىىىىىىىى بس لاتحطينها بالثلاجه خليا تبدر على راحتها

وعليكم بالعافيه وان شاء الله تعجبكم ان جربتوها











والحين طلعو لها اسم جديد البسبوسه الفرنسيه ههههههههههه




حلوى السميد


[









2 كاس سميد يحمر على النار حتى يشقر

ونطفي النار ونضيف عليه كاس سكر ... وعلبة قشطه ونص ... او حتى

تتكون معك عجينه قابله للتشكيل

ثم نكور الخليط وندحرجه بجوز الهند.. او بالمكسرات ..



لذيذ جدا وسهل وسريع ... وممكن تحفظينه بعلبه بالثلاجه ... راح يطلع

الذ وهو بارد










بسكوت الزبده






المقادير :



2 الا ربع اصبع زبده صغيره

ثلالث ارباع كاس سكر بودر

بيضه

1 ونص كاس طحين

م ك بيكن بادودر

1 وربع كاس نشا

رشة فانيليا


الطريقه :




نخفق السكر والزبده لما يذوب السكر فيها ثم نضيف البيضه والفانيليا

ونخلط النشا والطحين والبيكن باودر ثم نضيفه على خليط الزبده

ونعجنه حتى تصير عندي عجينه متجانسه وملسه وناعمه وما تلصق في الاناء

ارش اشويه اطحين وارقها عليه وابدي اقطع فيها بالشكل اللي ترغبون فيه

ادخلها بالفرن على درجة 170 ولمدة خمس دقايق من تحت وبعدها افتح فوق لمدة خمس دقايق حتى يشقر البسكوت (يعني كلها عشر دقايق )

اشيله بخفه من قالب الفرن واحطها على سلك حتى تبرد

وبعدها ابدي اشكل فيها




اهني لصقت طبقتين في بعض بالعسل

وحطيت اشوي عسل على الوجه وغمسته بجوز الهند











معمول التمر

ممكن يحشى بالجالكسي او الرهش او الحلوى البحرينيه او العمانيه



2 كاس دقيق
6 حبات جبن كيري
4 م كبيره سكر بودر
2 اصبع زبده
تمر للحشو

ممكن تحطين مع العجينه اشوي يانسون او بهارات المعمول




الطريقه :

تكون الزبده ذايبه في جو المطبخ وتخلط مع السكر تماما

ثم نضيف الجبن ونخلط

ونضيف الطحين ونعجن جيدا حتى تتكون عندي عجينة قابله للتشكيل

ناخذ كور صغيره من الحشوه ثم نفرغها ونحشيها ونرد نسكرها

نضعها بقالب المعمول حتى تاخذ شكل القالب ونضعها في صينية الفرن المدهونه

ندخلها الفرن على درجه 180 حتى تتحمر من تحت وفوق

لما تبرد نرشها بالسكر البودر









الكوكيز

المقادير :

2 وربع كاس دقيق

1 م ص بيكربونات الصودا

1 زبده 113 غ سايحه

ثالث ارباع كاس سكر ناعم

ثلاث ارباع سكر اسمر

1 م ص فانيليا

2 بيض

2 كاس ككاو هيرشي

انا حطيت واحد ... لاني ماكنت متكده من ضمان الطريقه

( انا استخدمت في المقادير كاس جبن بوك 240 غ)


الطريقه :

تخلط كل المقادير الجافه مع بعض

ونخلط البيض بالشوكه ونضيف الفنايليا عليه مع نقطة خل

ونضيف البيض والزبده على المواد الجافه ونعجن فيها

وعلى فكرة لون العجينه راح يطلع مايل للبني ( تغير لونها بسبب السكر البني )

نكور العجينه ونضغط عليها ونصفها في صينية الفرن غير مدهونه

ونحطه في فرن 180 درجه لمدة عشر دقايق او حتى يشقر من الاسفل

نطلعه من الفرن ونخليه حتى يبرد على الشبك

اهني حبيت اوريكم لونه اشلون يكون اشقر من الاسفل


واخر شي احفظيه بعد ما يبرد تماما في علبة بلاستك


وعليكم بالعافيه


















حلاوة البقر




هذى صورة حلاوة البقر ... وممكن بطريقتنا نختار اوراق مناسبه ونعمل الحلاوه بشكل رول ونقطعه مربعات ونغلفه









حلاوة البقر



كاس ونص حليب بودرة

كاس سكر مطحون

بيضة --ثلث زبدة --نص فنجان زيت--ملعقة فانيليا


نحمص الحليب ليغمق لونه


نخلط المقادير معاه

ونعجنها باليد

وبعدها رقيتها على ارضيه مدهنه اشوي وبديت اقطع فيها

وبالاخر تحطينها بالفريزير لحين تجمد

وتقدم


العجينه السريعه